بنت

بصّيت للورق وبعدين رفعت عيني عليهم كلهم. كريم واقف متوتر، المحامي ساكت، نجلاء ملامحها متشددة، ومروة لأول مرة شكلها مكسور. خدت نفس عميق وقلت بهدوء كل واحد فيكم خد فرصته وأنا كمان دوري آخد حقي. بصّيت للمحامي لو وقّعوا على الإقرارات دي الموضوع ينتهي هنا؟ رد بهدوء من الناحية القانونية أيوه. ده إقرار بردّ المبالغ، وتحمل المسؤولية كاملة. حوّلت نظري لمروة إنتي مستعدة توقّعي؟ سكتت عينيها مليانة دموع، لكن مش ندم خوف. نجلاء اتكلمت بسرعة ما تمضيش على حاجة! إحنا نقدر. قاطعتها بحدة لا المرة دي مش هتعرفي تنقذيها. الهدوء رجع تاني لكن المرة دي كان تقيل. كريم بصّ لمروة امضي وخلصي الموضوع. الكلمة دي كانت كأنها صفعة. مروة مسكت القلم بإيد بترتعش وبصّت لأمها لكن نجلاء ما قالتش حاجة. وقّعت. لحظة صغيرة لكنها كانت نهاية كل اللي فات. المحامي أخد الورق، وهز راسه كده الأمور واضحة. بصّيت لكريم ودورك. أنا؟ أيوه علاقتنا. سكت كأنه كان مستني اللحظة دي من زمان. أنا غلطت قالها بصوت واطي. ابتسمت ابتسامة مش فيها فرح. الغلط بيتصلّح لو كان مرة. لكن اللي حصل ده كان اختيار. سحب نفس، وحاول يقرب نقدر نبدأ من جديد. رجعت خطوة لورا أنا بدأت بس لوحدي. الصمت رجع يملأ المكان. إجراءات الطلاق هتوصلك عن طريق المحامي. الكلمة دي أنهت كل حاجة. نجلاء مسكت إيد بنتها وخرجت بسرعة من غير ما تبص وراها. مروة خرجت وهي منهارة. كريم وقف لحظة عند الباب بصّلي كأنه عايز يقول حاجة لكن ما قالش. وخرج. الباب اتقفل. المررة دي للأبد. رجعت بصّيت حواليا نفس البيت، نفس الحيطان لكن الإحساس مختلف. ما بقاش في صوت حد بيقلل مني ولا حد بيستغلني. قعدت على الكنبة وابتسمت بهدوء. مش عشان كسبت عليهم لكن عشان أخيرًا اخترت نفسي. والتسجيل اللي بدأ الحكاية؟ كان بس الشرارة لكن القوة كانت جوايا أنا طول الوقت.

تمت
حكايات محمد عبده